أنس الدمشقي - Anas El Damshkey

group rajac

تجربتين سيئتين مع مطعم انس الدمشقى. الموقف الأول كنت عامل اوردو وجالي متبهدل وشكله ميفتحش النفس وماكنش سخن (أضن ان الدليفري ياما وقع الاكل ياما وقع هو شخصيا بالموتوسيكل) المهم اكتشفت كدا بعد لما حاسبت الراجل ومشي ودي كانت غلطة مني بس دايما انا متعود أن حاجة أنس مزبوطه دي الصور (هتلاقوه حتى الثوميه مخبوطه) الموقف الثاني كان في رمضان في ال 10 الأواخر الاوردر وصل بالظبط على المغرب المهم حاسبته بسرعه وكل حاجه كانت موجوده معادا الكبيبه والثومية اللى كنت مزودها على الاوردر (الثومية عندي ادمان كما هو واضح :D) ومتحاسب عليهم المهم كلمتهم في ساعتها قالولي مفيش مشاكل ساعة وهنبعتها ومفيش حاجه حصلت. بعدها ب كام يوم (كان رمضان خلص) عملت اوردر وقلتله على موضوع الثومية والكبيبه الراجل كان اسلوبه وحش جدا ومحسسني اني بتبلى عليهم وبيقلي الكلام دا في رمضان احنا دخلنا في شهر جديد حسيسني انه ماشي هجري grin emoticon وقالي وبعدين زميلي ماسبش note بالموضوع دا وكان اسلوبه سئ فقلته طيب خلاص اعملي الاوردر دا ودا هيكون اخر اطلب حاجه منكم وقفلت. وبعدها اتصلت اضيف التومية (لازم في كل اوردر اطلب ثومية اكسترا) رد عليا واحد سوري فقلتله على الموضوع وقلتله لو مش هيبعتوا الكوبيبه والثومية يعملى اوردر للثومية. الراجل كان قمة في الذوق وقالي على عيني لا احنا هنبعتها ومش عارف كلمنا مدير ايه كدا ووافق هتجيلك مع الاوردر. المهم الاوردر جالي ففبص فيه مالقتش لاالثومية ولا الكبيبه فبقل للراجل بتاع الدليفري هو المفروض في كذا وكذا قالي هتلاقيهم مبعوتين من مكان تاني. وطبعا صحراء مفيش اي حاجه وكلت الاكل وانا مش مبسوط لان الثومية اللى بتيجي مع الاوردر حجمها مبيكلش معايا grin emoticon المهم بعتلهم هلى صفحتهم على اللي حصل معايا فقالولي الاتى: "بخدمة حضرتك ونحن اسفين والمدير العام حيلكم حضرتك اول الأسبوع" ومحدش كلمني. انا قلت خلاص فاكس مش هتعامل معاهم تاني وخلاص بس في كام حد صاحبي قالي لا لازم تنشر اللى حصلك على الجروب عشان ميحصلش مع حد غيرك. إضافة: اكثر حاجه دايقتني طريقة كلام الموضف حسسني اني بشحت منهم واني غلطان للاسف نادرا متلاقي مكان فاهم انه في خدمة العميل مش العكس. معظم العاملين في المطاعم وغيرها بيبقوا شايفين انهم بيمنو عليك بالخدمه اللى بيعملوهالك واذا كان عاجبك بدل مايقدروا انك اختارتهم عما عن 20 مطعم تاني منافس كان ممكن تروح تصرف فيه فلوسك.

Doupy Farouk

اكلكم تمام .. الرز بتاعكم حكاية ..

Hatem Al Sum

من أحسن الأماكن اللي بتعمل أكل سوري في مدينة نصر خصوصا المناقيش